請選擇 進入手機版 | 繼續訪問電腦版
搜索
查看: 6406|回復: 0

16'04.24 ~關淑怡演唱會

[複製鏈接]

936

主題

0

好友

6606

積分

管理員

Rank: 8Rank: 8Rank: 8Rank: 8Rank: 8Rank: 8Rank: 8Rank: 8

金錢
4699
威望
3
註冊時間
2012-9-10
在線時間
781 小時
積分
6606

活躍會員

發表於 2016-4-24 17:43 |顯示全部樓層
16'04.24 ~ 蘋果日報

噚晚關淑怡(Shirley)紅館開騷,全晚換咗8套衫,第一個出場嘉賓係坤哥吳業坤,兩人合唱《天荒地老》,又拖手又抱抱,Shirley話:「好歡迎你,好exciting。」坤哥話:「我好開心,四面我都照顧晒。」Shirley就表示「多謝你照顧我」,坤哥直言其實好緊張,Shirley話:「唔使緊張嘅,大家聽得開心咪得,點解我唔想同記者講嘢,就係等你哋有surprise,我呢就想唱你首歌,我自唱冇你唱得咁touching,你要傍住我喎。」之後兩人合唱《原來她不夠愛我》,之後坤哥再獨唱《純屬巧合》。

之後Shirley換上另一套衫,坐喺光管櫈上,不過可能條裙太短,全程唱《他需要你,她需要你》時,都有個cushion仔遮住條裙防走光,之後佢落返台播出一條片,係明哥為《3000年前》講獨白,呢段獨白本身係琴姐李香琴講嘅,片段中有啲皇后碼頭及舊啟德機場片段,之後Shirley換上黑色塗鴉連身裙,唱出《忘記他》時再跪地十分hyper,唱《夜迷宮》同男dancer跳貼身舞,最後仲被男dancer抱住佢雙腳,相當意淫,之後Shirley落台換衫,兩個男dancer出場揀咗兩個觀眾上台跳舞,其中一個竟然係鄭融,佢被放喺台上一張櫈度,男dancer又擘髀,又喺鄭融上面「un」,開始時鄭融都好high,擺返啲性感po回應佢啲舞步,不過之後男dancer直頭將個頭貼落鄭融個心口,佢就尷尬想推開佢,不過之後順勢轉圈,男dancer竟然一手揸咗落鄭融心口,之後就抱返佢落台。

Shirley再換上紅色大露背紗裙,唱出《一首獨唱的歌》及《人生可有知己》,唱唱下突然爆喊話:「死啦,我唱唔到下首添,不過我都請到我嘅知己朋友合唱。」之後直頭喊到收唔到聲,周慧敏就出場唱《I know him so well》,周慧敏話:「你搞到我都想喊啦。你出道25周年,祝你25周年快樂。」Shirley話:「多謝你台上同我一齊過。」周慧敏就話:「其實我識咗你25年啦,我係睇住你出道,我當時做緊DJ,當時播咗好多你嘅歌,其實我都好鐘意聽佢嘅歌,好想同你表白,呢位小姐其實係大師級唱功。」Shirley謙虛話:「我係大師級忘記歌詞,勁過阿倫。」

之後兩人講到92年同台往事,不過Shirley好似唔多記得,將大專會堂講咗做紅館,周慧敏話:「其實我好想你開心,好想你enjoy個舞台。」Shirley大聲講:「enjoy!」周慧敏話:「咁就好啦。」之後獨唱《等一個咖啡》。





ONCC

關淑怡(Shirley)在紅館舉行《The Best of Shirley Kwan 25 Live 關淑怡演唱會》,Shirley並唱出《一首獨唱的歌》等多首慢歌,期間唱到喊:「我喊到咁唱唔到,今晚好多朋友嚟咗,大家畀啲掌聲。」之後台下的蔡一傑、陳慧嫻則企起身。唱到《I know him so well》時,身穿白色low cut長裙的周慧敏(Vivian)現身合唱,唱完後兩人攬攬,Vivian表示:「搞到我都想喊,你好靚呀,早知你晏晝食多啲,雖然你晏晝已經食咗隻雞,早知食多兩、三隻,(件衫)完全遮哂。我哋識咗25年,睇住你出道,個陣我做DJ,播好多你嘅歌,因為我好鍾意聽你唱歌。今日好想同你表白,係咪好驚?呢位小姐係大師級歌手。」Shirley即笑言:「我係大師級忘記歌詞,勁過阿倫(譚詠麟),點解你哋唔笑嘅?」Vivian亦謂:「好耐之前我哋同過台,92年個陣,係咪好驚?仲記唔記得喺邊?」Shirley即講笑:「我嘅歌迷好後生,全部90後。」接着Shirley離台,Vivian獨唱《咖啡在等一個人》。






星島日報

關淑怡(Shirley) 昨晚在紅館的「The Best Of Shirley Kwan 25 Live 關淑怡演唱會」上,憶起亡母數度落淚,又一度跣倒要譚詠麟為她挽鞋!而捧場的鄭融更蝕晒底,被邀請上台跳辣舞的她遭男舞蹈員疑似摸胸兼推倒瞓地大玩三級意淫動作,嚇得她花容失色尷尬say no!
      
唱得兼跳得的Shirley當晚最激的一幕都不過是被男舞蹈員跪在前面攬雙腿,反而辣舞重任落在鄭融身上!演唱會期間,兩名外籍男舞蹈員在台上除衫跳舞時,已不乏自模胸部和下體動作,當到觀眾席請兩名女觀眾上台,其中一個正是鄭融。最初鄭融也配合的跳舞,怎料男的愈玩愈激,從後抱著鄭融舉起轉圈之際,雙手直攬到鄭融的胸部,繼而更把鄭融瞓在台上,俯身在其身上,再抬起鄭融的一隻腳作狀搖動,極盡意淫,嚇得鄭融又驚又尷尬、推開對方喝停。
      
當晚的表演嘉賓請來譚詠麟(阿倫)、周慧敏和吳業坤,以及黃燿明拍片段為Shirley演唱《三千年前》做獨白,還配合歌詞播出已消逝的香港著名地點皇后碼頭、荔園、舊機場等圖片。而Shirley在中段演唱《人生可有知己》時已經爆喊,繼而與周慧敏合唱後,周慧敏也說:「搞到我都想喊添…我仲好想向你表白,你是大師級的唱功!」


回復

使用道具 舉報

您需要登錄後才可以回帖 登錄 | 立即註冊

Archiver|手機版|周慧敏Fans論壇 - Vivian Fans Forum

GMT+8, 2024-3-29 01:41 , Processed in 0.028733 second(s), 25 queries .

Powered by Discuz! X2.5

© 2001-2012 Comsenz Inc. skin by eisdl

回頂部