請選擇 進入手機版 | 繼續訪問電腦版
搜索
查看: 7168|回復: 2

16'03.14 ~ 莎莎38周年園林麗影真愛盛影

[複製鏈接]

936

主題

0

好友

6606

積分

管理員

Rank: 8Rank: 8Rank: 8Rank: 8Rank: 8Rank: 8Rank: 8Rank: 8

金錢
4699
威望
3
註冊時間
2012-9-10
在線時間
781 小時
積分
6606

活躍會員

發表於 2016-3-14 23:18 |顯示全部樓層
16'03.14 ~ 頭條日報

周慧敏享受生活 30周年個唱隨緣

      周慧敏(Vivian)穿上吊帶露肩裙,現身品牌38周年盛宴,她表示幸好是日不冷,因為自己越來越怕冷。過幾日要拍廣告的Vivian透露完了會小休幾日,「前排貓仔走了,成年照護牠,要調節生活,relax,收拾心情。看下劇本,plan後半年,之前很多job都推了,推了3個真人show。」

      Vivian更享受主導的project,如自己的演唱會,她說:「同自己交代,可控制多點。」劇本和舞台劇都是她考慮之一。至於小休會否出外旅行,她坦言說:「不會,會和老公瘋狂看電影,自己要照顧貓都不出街。現在還有7隻,在家嘆貓。或者約下朋友,之前推了很多朋友的邀請。」

      講到演唱會,Vivian表示這是30週年演唱會,「不過原來申請入紙要1年時間,即出年2017年,到時都是30週年。如果做到,粉絲開心;如果做不到陪家人都開心。隨緣。」




oncc

歌手周慧敏以吊帶露肩裙出席「莎莎38周年園林麗影真愛盛影」,她坦言自己愈來愈怕冷,幸好今天不冷,又表示與品牌合作很多年,過程非常愉快:「過幾日會拍廣告,之後小休一下,貓啱啱走咗,過去一年都係照顧佢,依家要調節番生活,收拾心情,放鬆吓,想睇吓劇本,計劃之後工作,之前都推晒啲工作,推咗3個真人騷,加上我唔想飛咁耐,一拍就一季,又唔想commit太多嘢,我享受自己主導性多啲嘅工作,所以唔會接,要太多配合。」她又透露最近有感興趣的劇本及舞台劇出現:「我依家真係好有興趣先會拍,如果唔係就常規啲做慈善、拍廣告。」

望開入行30周年騷
問到小休會否去旅行?周慧敏說:「唔會,喺屋企照顧貓咪,仲有7隻貓,同會約番吓啲朋友。(咁演唱會呢?)終於諗啦,30周年,但今年唔得,今年申請要2017年先開到,但嗰陣都係30周年,如果批就fans開心,唔批就多啲時間陪屋企人,隨緣啦。」

問到推掉的真人騷是否重金禮聘邀請自己?周慧敏說:「聽講係,但未傾到,我身邊好多朋友都有做,知道有好多遊戲規則,所以都係唔好搞人哋。(唔想私人嘢曝光?)唔關事,唔想遊戲規則操控我,好似演唱會,我自己可以參與多啲。」




蘋果日報

【被邀拍真人騷】周慧敏唔like:太多嘢要配合、太多規則

今晚「莎莎38周年園林麗影真愛盛宴晚宴」喺亞洲博覽館舉行,到場嘅有周慧敏(Vivian)、李施嬅、黃美棋、陳霽平、張燊悦、孫道熙、何猶亨、彭建新、梁寶珠、林玉茵、 四洲太子女戴凱欣同男友樊林爽等。

周慧敏一身吊帶V領裙嚟到,佢話:「同莎莎老闆合作咗10年,嚟緊會拍新一輯廣告,之後就會小休一段時間。」佢話因為愛貓布丁過身後,希望停落嚟調節下生活,希望可以relax啲,收拾下心情。而Vivian手頭上都有啲電影同舞台劇劇本睇緊兼plan緊下半年嘅工作,之前佢都推咗好多工作,當中有3個真人騷,佢話:「自己覺得真人騷太多嘢配合、太多規則,未必啱我去做,我鍾意做啲主導性大啲嘅工作。」

問對方係咪重金請拍?Vivian話:「聽人講係,不過未去到傾呢part,一聽到要做咁多嘢要配合、咁多規則,我就唔想拍,唔想搞住人哋所以婉拒咗,如果主導性大啲嘅工作例如演唱會之類就會考慮。」咁講係咪準備籌備演唱會?佢話:「其實都有好多人都搵我,想搞30周年演唱會,不過都入唔切紙,如果紅館開要一年前就入紙,所以最快都要2017年,不過都算30周年,如果真係批,我同fans都會好開心,不過如果唔批都冇所謂,可能留返啲時間陪家人,總之就隨緣。」

嚟緊小休會唔會去旅行?Vivian話:「唔會喇!我會同老公留喇屋企,之前有好多戲都想睇,可以喺屋企睇吓戲,又或『嘆貓』,等啲貓嗲下我,又可以約下朋友.因為之前要照顧隻貓,好多朋友約會都推咗!」





回復

使用道具 舉報

936

主題

0

好友

6606

積分

管理員

Rank: 8Rank: 8Rank: 8Rank: 8Rank: 8Rank: 8Rank: 8Rank: 8

金錢
4699
威望
3
註冊時間
2012-9-10
在線時間
781 小時
積分
6606

活躍會員

發表於 2016-3-15 13:04 |顯示全部樓層
16'03.15 ~ 香港01

周慧敏預告明年舉行出道30周年演唱會

周慧敏(Vivian)晚上出席《莎莎38周年圍林麗影真愛盛宴》,近年忙於公益活動的Vivian,過去一年亦全心全意照顧愛貓的,她透露愛貓日前剛剛去世,目前仍在調整心情,至於工作就會先看看電視劇劇本和舞台劇邀約,真人騷方面則未有太大興趣,因為拍真人騷需要投放很多時間,想挑選真正有興趣和主導性較強的工作,才能更投入演出。

慶祝出道30周年

Vivian亦透露忙完現有的工作後會放個短假,但就不會外遊,只想跟老公倪震留在家中好好休息,偶爾結伴去看電影。此外,這位「凍齡女神」透露已入表申請開出道30周年演唱會,但檔期最快要等到2017,一眾歌迷要等等了。

回復

使用道具 舉報

936

主題

0

好友

6606

積分

管理員

Rank: 8Rank: 8Rank: 8Rank: 8Rank: 8Rank: 8Rank: 8Rank: 8

金錢
4699
威望
3
註冊時間
2012-9-10
在線時間
781 小時
積分
6606

活躍會員

發表於 2016-3-16 10:55 |顯示全部樓層
16'03.15 ~ apple

周慧敏昨晚在亞洲博覽館出席「莎莎38周年園林麗影真愛盛宴晚宴」,穿上粉色繡花背心裙,顯得皮膚白晢又精神,外貌年齡完全不似48歲,不愧是圈中美魔女。

這條連身裙透出雙腿及輕露香肩,食正春夏大熱的透視及露膊潮流,是澳洲品牌Alice McCall出品。品牌得到不少女星支持,日前Amanda S.穿過性感playsuit,千億新抱徐子淇、蔡卓妍、熊黛林等都穿過。



16'03.16 ~ apple

周慧敏(Vivian)、李施嬅、黃美棋、何猷亨等,前晚出席在亞洲博覽館舉行的「莎莎38周年園林麗影真愛盛宴晚宴」,即將和莎莎合作拍攝新一輯廣告的Vivian,直言為了收拾愛貓「布丁」離世的心情,希望可以減慢步伐,調節生活,所以推辭了不少工作,當中包括3個真人騷節目。

Vivian表示會和老公倪震留在家中休息:「之前有好多戲都想睇,可以睇戲、『嘆貓』,等啲貓嗲吓我,又可以約吓朋友.因為之前要照顧隻貓,好多朋友約會都推咗。」她更透露有意再開演唱會:「想搞30周年演唱會,紅館要一年前入紙,最快2017年,如果真係批,我同fans都會好開心。」



16'03.16 am730

周慧敏(Vivian)前晚穿上露肩裝出席活動,談到工作,她指有意舉行入行30周年紀念演唱會,如入紙申請場地成功, 預計可於2017年舉行,否則便會繼續多抽時間陪伴家人。Vivian又話過去有不少真人騷節目邀請她任嘉賓,但因為遊戲規則太多,未必適合她,所以統統推掉;她坦言喜歡參與可投放自己構思的工作。



明報

周慧敏:未接受到遊戲規則 推3個內地真人騷

周慧敏(Vivian)與莎莎國際控股有限公司合作超過10年,前晚悉心打扮出席集團主辦「莎莎38周年園林麗影真愛盛宴」。

Vivian去年為照顧患重病愛貓「布丁」而停工,自愛貓離世,她收拾心情準備連串工作。她說:「小休一段日子後,過幾日便拍新廣告。現正收劇本看,也有舞台劇接洽中,也想搞30周年紀念演唱會,要好好準備下半年大計。但推掉了3個內地真人騷節目,聽聞酬勞都好像幾重金,但自己一來不想飛離香港太耐,二來自己未接受到遊戲規則,我始終喜歡由自己主導和控制的工作,例如自己開演唱會。如果是要我接受人家控制的遊戲、規則,就無謂參與,免阻礙人家製作。」

開30周年演唱會隨緣

Vivian指放假只想跟丈夫狂看電影,以及多陪伴家中7隻貓兒,還有多約會見朋友。她知道入紙申請紅館開演唱會需等1年時間,期望2017年可以成功,仍可趕及慶祝30周年,但最終能否成事則隨緣。




回復

使用道具 舉報

您需要登錄後才可以回帖 登錄 | 立即註冊

Archiver|手機版|周慧敏Fans論壇 - Vivian Fans Forum

GMT+8, 2024-3-29 22:50 , Processed in 0.032308 second(s), 25 queries .

Powered by Discuz! X2.5

© 2001-2012 Comsenz Inc. skin by eisdl

回頂部